‘A cuvèrta curta. (dedicata aru Guvèrnu!)
Quannu arriva ‘u friddu e ti sìanti tuttu trimàri,
ti vènad ‘u scumbùartu quànnu t’ha di jiri a curcàri.
Avòglia ca ùshchi! Avòglia ca ti lamìanti!
Cumu ti cùanzi cùanzi, finìscia sempri ca ti bvàttanu ‘i dìanti!
S’ ‘a cuvèrt’ è curta, caru amicu miu, c’è pocu cchi fàri:
ca tu tiri e tiri, chiddra è! Nun è cca si po’ allungàri!
Perciò, na picca di sacrifìciu, na picca di spirtizza,
e tutti quanti cercamu di ni strìngi, ohi cchi biddrìzza!
Ma si tutti tiranu vìarsu ‘a capu pinzànnu d’essiri cchiù spìarti,
l’avissanu ‘i sapì ca ‘i pìadi pu li rèstanu scuvìarti!
O si ‘i cchiù furbi vìarsu ‘a parti loru tiranu di latu,
ppi forza ancùnu mora di friddu, spèci s’è malatu!
Quannu fa friddu, si davèru ni vulimu quadijàri,
tutti quanti am’ ‘i capì ca n’avìmu d’arrungchiàri!
Pperò l’avimu di fa tutti, non sulu chini è cchìù citrùlu,
sinnò, prim’ o poi, finìscia ca vi mannàmu tutti quanti a fa ‘…..!
La coperta corta. (dedicata al Governo!)
Quando arriva il freddo e ti senti tutto tremare,
ti viene lo sconforto quando devi andarti a coricare.
Inutile che sbraiti! Inutile che ti lamenti!
Come ti metti metti, finisce sempre che ti battono i denti!
Se la coperta è corta, caro amico mio, c’è poco da fare:
che tu tiri e tiri, quella è! Non è che si può allungare!
Perciò, un po’ di sacrificio, un po’ di intelligenza,
e tutti quanti cerchiamo di stringerci, oh che bellezza!
Ma se tutti tirano verso la testa pensando di essere più bravi,
lo dovrebbero sapere che i piedi restano scoperti!
O se i più furbi verso la propria parte tirano di lato,
per forza qualcuno morirà di freddo, specialmente se è ammalato!
Quando fa freddo, se davvero ci vogliamo scaldare,
tutti quanti dobbiamo capire che ci dobbiamo rannicchiare!
Però lo dobbiamo fare tutti, non solo chi è più “cetriolo”,
se no, prima o poi, finisce che vi mandiamo tutti a fare ……..!
